5 حاجات ممكن تعملها بمرتب الـ Junior اللي لسه بيبتدي!

ازاي تبص لنص الكوباية المليان وتكون إيجابي؟ دا بالظبط الاحتفال الرسمي اللي العالم بيحتفل بيه فى شهر ديسمبر من كل سنة تحت شعار Look on the Bright Side Day، وبيدعو للنظر لكل الأشياء بشكل متفائل بدل ما نبص لنص الكوباية الفاضى، و ازاي بأقل الإمكانيات نقدر ناخد خطوات إيجابية!

علشان كده بنقدملك شوية خطوات تساعدك في الاستمتاع بحياتك حتى لو كنت لسه فى بداية تدرجك الوظيفي ووظيفتك Junior بمرتب على الأد.

أنت بإيدك إنك تخطط لحاجات كويسة كتير ممكن تحصل في المستقبل بس المهم تاخد القرار وتبدأ، خلينا نكلمك أكتر عن القرارات المالية.

1-  شهادة استثمار

هي عبارة عن وديعة مدتها بتزيد عن سنة واحدة، وسعر الفايدة  في شهادات الاستثمار ليه 3 أنواع، الثابت والمتغير، والمتراكم، وتقدر تستثمر في المبلغ اللي أنت عايزه لمدة بتبدأ من سنة وبتوصل ل 10 سنين في الشهادات، وتقدر تكسرها بعد مرور 6 شهور لو اتزنقت.

قارن ما بين شهادات الاستثمارالمختلفة فى البنوك على فايدتي.

2- حساب التوفير

من الطرق المميزة وقت الطواريء ممكن يكون أهم حاجة تقدر تعملها لنفسك علشان تضمن إنك دايمًا تكون مطمن ومش شايل هم إن لو حصل حاجة خارجة عن إرادتك هتقدر تتصرف إزاي، أول خطوة هي إنك توفر على الأقل 20% من مرتبك وتحطهم على جنب.

 العجلة بتعتبر وسيلة سهلة وسريعة هتساعدك توصل للعميل بسرعة

3- اشتري عجلة واشتغل بيها

ممكن تزود دخلك بأكتر من وظيفة جانبية، والعجلة تعتبر شغل ورياضة في نفس الوقت، لما تشتغل عليها وفي كذا ابليكيشن زي:

MRSOOL

Uber Eats

Talabat

بيحتاجوا ناس عشان يوصلوا الطلبات للعملاء، والعجلة بتعتبر وسيلة سهلة وسريعة هتساعدك توصل للعميل بسرعة.

قارن ما بين بطاقة الائتمان دلوقتي مع فايدتي من مكانك.

4-  ادخل جمعية

الجمعية هي بديل للتحويش لو انت مبتعرفش تلتزم بمبلغ ثابت عشان تحوشه فـ الجمعية هتخليك ملتزم معاها بمبلغ ثابت تدفعه كل شهر.

اعرف أكتر عن أنواع الجمعيات وازاي متتعرضش لنصب من هنا، ازاي تدخل جمعية من غير ما يتنصب عليك؟

5- اعمل مشروع صغير

ممكن تفكر تعمل مشروع على صغير وتبدأ خطوة خطوة وماتخفش محدش بيتعلم ببلاش بس دا مش معناه إنك تخاطر مخاطرة مش محسوبة ولكن ليه متغمرش وتحقق اللي نفسك فيه!

لو عندك فكرة حلوة ومش عارف تبتدي منين ممكن تأخد افكار من هنا، إزاي تبتدي مشروع؟