5 خطوات سهلة عشان تعمل خطة توفير

خطة التوفير مهمة لو أنت عندك أهداف مالية عايز تحققها، أو حتى لو أنت عايز يبقى عندك فلوس كفاية عشان تبقى مستريح، وفي ناس كتير قدرت إنها تتغني عن طريق التوفير.

حدد ميزانيتك

تحديد الميزانية أهم حاجة في الموضوع لإنك لو مش عارف أد إيه فلوس بتدخل، وبتصرف أد إيه، مش هتعرف تحوش خالص. لو أنت مش عارف تعمل ميزانية إزاي، اقرا المقالة دي.

حدد أنت عايز توفر أد إيه كل شهر

ابدأ بتحديد أنت عايز تحوش أد إيه من دخلك الشهري، أفضل حاجة إنك تبتدي صغير، فممكن مثلاً تبدأ بتوفير 200 جنيه، وكل ما تبتدي تتعود على فكرة التوفير، تزود المبلغ شوية لغاية ما توصل لهدفك الرئيسي.

أهم حاجة في أي خطة توفير هي تقليل المصاريف الغير أساسية وطبعاً إنك تحط الفلوس اللي وفرتها في حساب التوفير وما تجيش جنبها.

اعمل تحويل تلقائي لحساب التوفير

البنوك حالياً بتعمل خدمة التحويل التلقائي لحساب التوفير، وده بيكون مفيد جداً في حالة تحويل المرتب على حساب بنكي، لإنك بتتفق مع البنك إنه يحول مبلغ معين بشكل أوتوماتيك كل ما مرتبك ينزل، وبكدة بتقدر إنك توفر مبلغ بدون ما تعمل أي مجهود، ولو أنت قادر، يفضل توفير 20%-30% من مرتبك.

استغل إمكانياتك

لو أنت عندك غرفة إضافية في البيت اللي أنت عايش فيه، ممكن تأجرها على موقع زي Airbnb، وتعمل دخل إضافي، وطبعاً الفلوس دي لازم تدخل في حساب التوفير.

قلل مصاريفك الغير أساسية

أهم حاجة في أي خطة توفير هي تقليل المصاريف الغير أساسية وطبعاً إنك تحط الفلوس اللي وفرتها في حساب التوفير وما تجيش جنبها.