5 عادات يومية سهل تستغنى عنها بتخلص مرتبك في نص الشهر

لو المرتب بيخلص منك ومش لاحق تحوش عشان تسافر أو تعمل اللي انت عايزه، أو بتفكر تحوش لمناسبة جاية أو خطوة مهمة في حياتك ومش عارف، فـ السبب في الحاجات اللي متعود تصرف فيها فلوسك ومش واخد بالك انها بتطير منك المرتب وفي المقابل فايدتها مش كبيرة وممكن تستبدلها بحاجات تانية، زي مثلاً:

1- اشتراكات الخدمات والابلكيشن

راجع موبايلك واتأكد اذا كنت مشترك في أي خدمة من خدمات الرسائل أو الكول تون، لأنهم أكتر حاجة بتخليك تصرف كتير من الرصيد ومن غير اي فايدة.

كمان لو مشترك في اي ابلكيشن ومش بتستخدمه بشكل مستمر، ممكن تلغي الاشتراك بتاعك وقت ما تكون مش محتاجه.

2- الاكل من بره

الأكل من بره عموماً اغلى من اللي ممكن تشتري مكوناته وتعمله في البيت، وخصوصاً القهوة اللي بتشتريها كل يوم، ممكن تبدأ تتعود تعتمد على نفسك وتصحي بدري شوية تعملها فى البيت قبل ماتنزل.

استني الخصومات و الاوكازيونات قبل ماتعمل شوبينج، وجرب تدور على اللي عايزه في محلات مختلفة

3- المواصلات 

مع سهولة توافر المواصلات وطلبها عن طريق الموبايل، ممكن تفضل نوع مواصلات أغلى عشان اسهل، بس خلي بالك ان دلوقتي بقى فيه بدائل تانيه كتير للمواصلات العادية زي Green Bus أو مواصلات مصر، فـ لازم تحسبها صح وتخصص مبلغ معين لمواصلاتك كل شهر عشان تبقى عارف امتى تستخدم الأغلى وامتى تفكر في البديل.

وممكن تقارن ما بين أشهر أبلكيشن للاتوبيسات فى مصر من هنا، قارن وقرر، هتركب إيه أوبر باص ولا سويفل ولا الميكروباص؟
 

4- باقات الموبايل الكبيرة

لو بيفضل معاك كل شهر وحدات زيادة كتير في الباقة فـ دي علامة انك محتاج باقة أصغر، دلوقتي كمان بقى متاح انك تفصّل الباقة حسب احتياجاتك سواء مكالمات أكتر ولا انترنت أكتر مثلاً، وبكده يكون اوفر ليك انك تعمل باقة أصغر بمميزات مناسبة.

اعرف أكتر عن باقات الموبايلات فى الـ 4 شبكات المصرية من هنا، قارن وقرر، باقة الـ 100 من فودافون، واتصالات، وارنج وWe!

5- متابعة الخصومات والعروض

استني الخصومات و الاوكازيونات قبل ماتعمل شوبينج، وجرب تدور على اللي عايزه في محلات مختلفة عشان تلاقي أفضل سعر. ومتنساش تسأل البنك بتاعك على المحلات والويب سايت اللي بيقدم معاها خصومات وتقسيط على الكريدت كارد/ Credit Card. 
 

قدم دلوقتي على بطاقة الائتمان مع فايدتي من مكانك فى دقايق.