6 خطوات محتاجها عشان تدير ميزانية البيت!

إنك تظبط مصروف البيت ده هدف أساسي لازم تحطه قدامك علشان تقدر تظبط كل أمورك المادية زي توفير الفلوس وتسديد الديون، هتاخد شوية وقت لغاية أما تظبط الميزانية بين الأساسيات والكماليات وتعرف تسيطر عليها.

1-   سجل كل حاجة بدقة

لازم تسجل كل اللي هيتصرف بالدقة الكافية علشان تعرف انت بتصرف في ايه، وحاول تستمر في الموضوع دا لمدة 3 شهور على الأقل، وممكن تلاقي إن مصاريفك أكتر من دخلك ساعتها تعرف إنك مش عارف توفر لسه.

2-   التصنيف السليم للمصاريف

لازم تبقى فاهم كويس ايه الفرق بين الأساسيات والكماليات يعني مثلًا الأكل والشرب والعلاج دي أساسيات (ضرورية) لكن الخروجات والفواتير الشهرية دي ممكن تتحكم فيها وتقلل منها لأنها رفاهية.

تقليل المصاريف هيفرق معاك جدًا في أي لحظة حرجة خاصة لو الحاجة دي مش ضرورية

3-   قلل المصاريف

تقليل المصاريف هيفرق معاك جدًا في أي لحظة حرجة خاصة لو الحاجة دي مش ضرورية، وكمان دي حكمة في التعامل مع الفلوس مفيش حاجة اسمها اصرف ما في الجيب يأتيك ما في الغيب.

خد شوية نصايح للتعامل مع الفلوس من هنا، ازاي تتعامل مع الفلوس بحكمة وانت بتصرفها!

4-   ابدأ حوش

اللي هتحوشه من مصروف البيت هيساعدك تبني كيانك المالي على مدار سنين وكمان وقت الأزمات والمصاريف الزيادة هتكون مأمن نفسك، وشوف كل شهر مصاريفك كانت عاملة ازاي وحاول تتعلم من أخطائك.

5-   قايمة الأكل

اشتري أكل زيادة تخزنه هيوفر عليك الوقت والمجهود والفلوس في الشهور اللي بعد كدا، وتابع العروض أول بأول ولو كبيرة ممكن تشترك مع حد من جيرانك وتشتري العرض وتقسم التكلفة بينكم.

بالنسبة للحوم والفراخ والسمك مش لازم كل يوم ممكن مرتين أو 3 في الأسبوع وعلى حسب المصروف عامل ازاي من شهر للتاني والالتزامات، والأيام التانية الأكل النباتي موفر وصحي برضه.

6-   قسط بدل الكاش

أوقات بتبقى عاوز تشتري حاجات ضرورية زي الأجهزة الكهربائية بس مفيش فلوس كاش أو مش عاوز الميزانية تبوظ منك في الوقت اللي ممكن تدفع بالكريدت كارد/Credit Card أفضل أكيد.

 قارن بطاقات الائتمان فى البنوك المختلفة على فايدتي من مكانك