6 طرق تحضر بيها الحفلات من غير ما تبوظ ميزانيتك الشهرية!

الفترة اللي فاتت أكتر حاجة كانت مكلفة بالنسبة لمنظمين أي حفلة أو أي Event ترفيهي هي أن المكان محدود بعدد معين وبالتالي هيكون سعر التذاكر أغلى من العادي ودي حاجة لوحدها هتخلي جزء كبير من الناس مش هيقدر يحضر.

بس دلوقتي مع زيادة عدد الناس اللي تم تطعيمهم بلقاح كورونا، ونزول أعداد المصابين اليومية، بدأت الإجراءات الاحترازية تكون أقل شوية في مجال الترفيه، فـ مثلاً السينمات والمسارح خلاص رجعوا للعمل بنسبة اشغال 100%، يعني خلاص مفيش كراسي أو مسافات لازم تبقى فاضية!
ومع القرارات دي زادت الحفلات في الفترة الأخيرة ولسه كمان الفترة الجاية وده أكيد هيبوظ الميزانية وهيطير المرتب، بس ازاي تتفادي ان كل ده يحصل؟

1- شوف أكتر حاجة بتحبها

مش كل الحفلات اللي بتتعمل لازم تروحها، أوقات بيكون فيه حفلات لفرق أو مغنيين بتتكرر كتير فـ ممكن تفوت لهم حفلة أو اتنين عادي ومش هيفوتك كتير، وفر الفلوس دي للحفلات اللي بتحصل كل فين وفين.

2- وفر جزء بسيط من مرتبك كل شهر

ممكن جزء بسيط خالص من مرتبك كل شهر زي الفكة اللي بتفضل معاك في آخر الأسبوع لو جمعتهم على بعض هيساعدوك في تمن تذكرة الحفلة اللي رايحها.

3- راقب عروض الـ Early Birds

معظم الحفلات الكبيرة بتعمل خصومات للي بيحجز التذكرة بدري عن ميعاد الحفلة، والتخفيض ده أوقات بيوصل لأكتر من 50 جنيه فـ أكيد هيفيدوك في المواصلات حتى.

الحفلات اللي بتضم أكتر من مغني/فرقة موسيقية بتكون سعرها أرخص من الحفلات اللي فيها حاجة واحدة بس

4- اعرف مين الـ Sponsors / الرعاة الرسميين للحفلة

كتير من الرعاة الرسميين للحفلات ممكن يكونوا شركة بتبيع منتج معين أو قنوات راديو أو تليفزيون، ودول في أغلب الأوقات بيعرضوا تذاكر للحفلة ببلاش على صفحتهم أو القنوات الخاصة بيهم، ودي أسهل طريقة ممكن تاخد بيها دعوة ببلاش للحفلة اللي نفسك فيها بمجهود بسيط زي انك تحل مسابقة أو تجاوب على سؤال.

5- اختار الحفلة اللي فيها أكتر من فرقة/مغني

الحفلات اللي بتضم أكتر من مغني/فرقة موسيقية بتكون سعرها أرخص من الحفلات اللي فيها حاجة واحدة بس، وكمان الحفلات دي بيكون الاستعداد والتنظيم فيها على مستوى أكبر فـ احتمالية وجود اللغبطة أو التأخير قليلة.

6- ادفع بالكريدت كارد/ Credit Card

استخدم فيزا المشتريات في دفع تمن تذاكر الحفلة علشان تزود الـ Bonus points  بتاعتك، وديه هتديلكك حاجة من تلاتة، 
كاش باك/ Cash Back
فواتير شراء/ Vouchers فى المحلات اللي متعاقدة مع البنك اللي بتتعامل معاه
أميال سفر/ Miles اللي تقدر تشتري بيها تذاكر سفر بالطيران
قارن ما بين بطاقات الائتمان في البنوك المختلفة على فايدتي من مكانك!

اعرف من هنا، حفلات وعروض فنية مش هتكلفك كتير هتحصل في شهر يناير 2022