6 نصايح للسواقة بحذر في الشتاء لتجنب حوادث الطريق!

علشان ما تتأخرش على شغلك او مشوارك أو طيارتك ممكن تاخد قرار غلط وأنت سايق زي إنك تجري بالعربية وتبقى المخاطرة مش محسوبة، خلي بالك سلامتك وسلامة اللي حواليك أهم حاجة عشان كده هنقولك على شوية نصايح تساعدك توصل مشوارك بأمان خاصة في الشتاء ومع الأمطار والعوامل الجوية المختلفة.

1-   اتأكد من ظبط ضغط الكاوتش

لازم تتأكد إن ضغط الهواء في الكاوتش مظبوط علشان تمتص أي صدمة من الحفر والمطبات اللي ممكن تكون مستخبية بسبب الأمطار، ومتنساش تتأكد من ضبط زوايا العجلات على الأقل لمرة واحدة في السنة، وده بيأثر على أداء الفرامل.

لازم تلتزم بالسرعة المحددة للطريق اللي ماشي عليه مش بس علشان المخالفة لا علشان أمانك وسلامتك.

2-   اتأكد من أداء البطارية

بطارية العربية بيكون عليها حمل كبير خاصة في الشتاء، لأن أقطابها بتكون عُرضة للتآكل بسبب الرطوبة وكمان بيكون عليها حمل كبير لما بتشغل المساحات والمصابيح الأمامية كلها في نفس الوقت.

بننصحك بتنظيف الأقطاب ببعض الصابون والمياه وكمان فرشاة الأسنان وبعد كدا تنشفها كويس وتشحمها.

 نفس النصايح اللي هنا محتاج تراجعها لو هتشتري عربية مستعملة، اعرف باقي النقط من هنا، خطوات بيع أو شراء عربية مستعملة عشان ميضحكش عليك!

علشان تشوف أفضل ممكن تستخدم مادة خاصة لتنظيف الزجاج والمصابيح

3-  غيّر شفرات المساحات

ماتنساش تغير شفرات المساحات خاصة لو عدى عليها 3 سنين أو لو دايمًا بتسيب عربيتك في مكان مفتوح وبتتعرض للهواء الشديد، وده بيساعدك وقت الأمطار علشان تكون الرؤية أفضل.

4-   اتأكد من كفاءة المصابيح الأمامية

علشان تشوف أفضل ممكن تستخدم مادة خاصة لتنظيف الزجاج والمصابيح.
 

5-   قوة الفرامل

لازم تكشف على الفرامل وتتأكد إن الأقراص سميكة بالشكل الكافي وإن زيتها في حالة كويسة.

6- أمن على عربيتك

لو لسه ما أمنتش على عربيتك الحق نفسك دلوقتي وأمن عليها من التصادم مع عربية تانية، والسرقة أو محاولة السرقة، ودا تأمين بيحمي عربيتك في حالة وقوع حادث مفاجئ، وممكن يكون الحادث ده ناتج عن:

·       التصادم أو الانقلاب نتيجة حادثة.

·       السرقة أو السطو.

·       الحريق.

·       الفعل المتعمد من الغير بشرط أنه يكون مش بيعمل في خدمة المؤمن له.

·       الفعل المتعمد من الغير اللي بيسبب ضرر للسيارة.

احصل دلوقتي على  التأمين السيارات من خلال فايدتي من مكانك!