7 طرق لتوفير المال يوميًا بالخطوات وحاسبة الميزانية!

عندك أهداف مالية عايز تحققها؟ لازم تحط دلوقتي خطة توفير، التوفير عمومًا عادة كويسة لازم تتعود عليها وماتقولش اللي جاي على قد اللي رايح لأنك ممكن تقدر بأكتر من طريقة تقلل مصاريفك اللي مش أساسية.

ازاي تحط خطة توفير؟

1-   الأكل والشرب

حاول تحضر أكلك في البيت وقلل من الأكل برا لأن دا هيساعدك جدًا في توفير الفلوس وكمان على المستوى الصحى أفضل، وكمان بالنسبة للمشروبات حاول تقلل من المشروبات الغازية وشرب القهوة بره البيت.

ولو هتاكل من برا اعرف أكتر عن  حاسبة تقسيم الفواتير في المطاعم 

2-   الصرف في الأساسيات

لما تيجي تظبط ميزانيتك لازم تهتم بالأساسيات الحاجات المهمة لكن الحاجات اللي مش مهمة حاول تقلل منها وتوفر فلوسها في التحويش أو أي حاجة مفيدة ده هيخليك تعرف تحوش.. قلل من الكماليات وأمور الترفيه.    

5 خطوات سهلة عشان تعمل خطة توفير

3-   التوقف عن التدخين

حاول تاخد القرار دلوقتي وتبدأ في تحويش فلوس السجاير اليومية وشوف المبلغ اللي هتقدر تعمله كل شهر ممكن تعمل بيه حاجة مفيدة، وعلى مستوى الصحة القرار ده هيفرق معاك كتير جدًا.

ظبط التكييف على درجة مناسبة علشان تقلل الاستهلاك زي درجة 24 مثلًا

4-   قلل من استخدام الكهرباء

فاتورة الكهرباء بتيجي عالية؟ طب ما تحاول تقلل استهلاكك كده:

·   اطفي الأنوار لما تخرج من الأوضة.

·   استخدم لمبات موفّرة للطاقة.

·   افصل الأجهزة الكهربائية لو مش بتستخدمها.

·   ظبط التكييف على درجة مناسبة علشان تقلل الاستهلاك زي درجة 24 مثلًا.

وممكن تستخدم حاسبة فواتير الكهرباء الشهرية عشان تحسب فاتورتك الشهرية.

5-   بيع اللي مش محتاجه

لو عندك حاجات قديمة مش عاوزها ممكن تبيعها، ودا هيخليك تستفيد بالمساحة في البيت وكمان هتكسب فلوس من بيع الحاجات دي يبقى ضربت عصفورين بحجر.

6-   ما تصرفش ما في الجيب!

ترديد الأمثال الشعبية اللي مالهاش قيمة زي "اصرف ما في الجيب يأتيك ما بالغيب" ده هيضيعك، خلي بالك وفكر كويس انت بتصرف في ايه، وعلى فكرة ده مش بخل دي حكمة، وهتعرف تعيش كويس وتدلع نفسك في حدود المعقول.

7-   حاسبة الميزانية الشهرية 

استخدم حاسبة الميزانية الشهرية اللي بيها ممكن تظبط ميزانيتك ومصاريفك كلها لما تحسب دلوقتي ميزانيتك الشهرية اونلاين ببلاش.

وتقدر تفصل ميزانية على قد دخلك بالحاسبة، تناسب كل التزاماتك، هتعرف فلوسك رايحة فين كل شهر، وهتحط خطة شهرية لسداد ديونك، وهتزود المبلغ اللي بتحوشه عشان تلبي أهدافك المالية على المدى الطويل.