8 أسرار عن البنك بتاعك موظف الفرع مش هيقولك عليها

لو رايح تقدم علي اي منتج بنكي أكيد هتحاول تقعد مع موظف البنك وتسأل على كل التفاصيل، بس مهما قالك، هيفضل محتفظ بشوية أسرار، فايدتي بقي هي اللي هتقولك عليها:

1- حسابات التوفير عليها مصاريف شهرية بتتسحب من حسابك، وبتقدر تعرفها من كشف الحساب اللي البنك بيبعتهولك.

2- في فرق بين أقل مبلغ ممكن تفتح بيه حساب وامبلغ اللي بيبدأ عنده حساب الفايدة، يعني ممكن يبدأ الحساب بيتفتح بـ 1,000 جنيه لكن الفايدة بتتحسب من 5,000 جنيه، لكن في شوية بنوك قليلة بتحسب نفس المبلغ للاتنين.

3- ممكن يحاول البنك يقنعك بالتأمين على الكريدت كارد، الخدمة دي مفيدة للبنك بس، وانت اللي هتتكلف مصاريفها من غير اي استفادة.

4- فترة السماح  بتاعة بطاقة الائتمان مش بتبدأ من يوم ما استخدمت الكارت لكن من بداية الشهر فى البنك نفسه، وده بيتغير من بنك للتاني عشان كده لازم تسأل علي تاريخ بداية الشهر في البنك اللي هتقدم فيه على بطاقة الائتمان.

لو محتاج كريدت كارد تقدر تقارن بين البنوك المختلفة على فايدتي قبل ماتقدم.

أحسن بنك ليك مش اللي فوايد شهاداته عالية وفوايد قروضه قليلة

5- متحاولش تسدد الدين علي قرضك أو تمويلك العقاري قبل معاده أو تسدد المبلغ الباقي من القرض مرة واحدة بدل ما تسدد الأقساط، عشان ماتدفعش غرامة السداد المبكر، الموضوع ده بيعتمد على البنك ونوع القرض، وفي بنوك مش بتدفعك غرامة. 

عادة بتتراوح الغرامة ما بين 2% لـ13% من المبلغ الباقي على حسب طريقة الدفع، وفي الغالب الدفع النقدي بيبقى غرامته أقل.

6- في مصاريف إدارية على القرض اللي بتقدم عليه، المصاريف دي بتتخصم من مبلغ القرض نفسه، فحاول تختار البنك اللي مصاريفه أقل.

ممكن تختار البنك المناسب للقرض الشخصي اللي محتاجه من فايدتي.

7- سعر الفايدة ليه طريقتين للحساب، سعر الفايدة الثابت وسعر الفايدة المتناقص، مع الـ2 بتدفع نفس القسط، لكن بطريقة حساب مختلفة.

8- أحسن بنك ليك مش بس اللي فوايد منتجاته للتحويش عالية، لكن اللي تقدر توصل لخدمة العملاء بسهولة، ولو ليه فرع قريب منك، وكمان الـ ATM بتاعته منتشرة حوالين بيتك وشغلك.