ايه الجديد في شروط الربح من يوتيوب في 2023؟

اعرف ايه هي شروط الربح من اليوتيوب 2023، وكمان فايدتي هتقولك على تحديثات يوتيوب الأخيرة على الربح من اليوتيوب وكل اللي عاوز تعرفه علشان تحقق أفضل الأرباح، وايه الجديد في youtube السنة الجديدة.

ايه هي شروط تحقيق الربح من اليوتيوب؟

اليوتيوب هو منصة عرض فيديوهات اشترتها جوجل سنة (2006) من تشاد هيرلي وستيف تشين وجاود كريم وهما  كانوا موظفين في شركة باي بال،  وكان في البداية أي حد يقدر ينشر عليه فيديوهات و يحقق أرباح منها و لكن كل ده كان مش منتشر على نطاق واسع و ناس معينة اللي كانت عارفة عن الموضوع.

و مع بداية سنة 2011 بدأ اليوتيوب يتسلط عليه الضوء  زي باقي وسايل التواصل الاجتماعي والناس بدأت تعرفه و بدأ يبقى عليه مستخدمين كتير وجماهير أكثر من مختلف المستويات . كله كان بيدخل عشان يحقق ربح و يبقى مصدر دخل ليه جمب شغله .

خلي بالك من فخ الربح السريع! اعرف أكتر من هنا: ازاي تهرب من فخ الربح السريع، ودي أشهر طرق النصب على النت!

جوجل حطت شروط في 2018

وفي سنه (2018) جوجل قررت إنها تحط شوية شروط لتحقيق الربح، وكان السبب الحقيقي اللي تسبب في القرار ده . لما قرر واحد من اليوتيوبر الكبار وهو اليوتيوبر الامريكي (لوجان بول ) إنه يعمل جولة في غابات الانتحار في اليابان..

 وهو بيتمشى في الغابة صور بالصدفة جثة لشخص منتحر، و هو الأمر اللي اعتبره الشعب الياباني إهانه ليهم .. و بعدها اليوتيوب اتقلب و قرر القائمين على اليوتبوب تاني يوم تفعيل شروط جديدة للربح من اليوتيوب عشان ميسمحش لأي حد انه ينشر عليه أو إي محتوى انه يتنشر عليه .

تقدر تعرف تفاصيل الواقعة دي من هنا 

شروط اليوتيوب الأساسية 

و كانت الشروط اللي حطها اليوتيوب: 

عشان تقدر تحقق ربح من نشر الفيديوهات على اليوتيوب لازم تحقق خلال سنة 4000 ساعة مشاهدة وألف سبسكرايب أو متابعة لمحتواك و ده طبعا مكانش أمر سهل على الإطلاق على الأقل مش بالنسبة لليوتيوبر اللي لسة باديء.

المهم إن يوتيوب عملت القرارات دي و صعبت الربح، وعملت قرار جديد بتعديلات جديدة في الربح بس المرة دي التعديلات بخصوص خاصية الshorts 

تحقيق مكاسب كبيرة من على اليوتيوب اعرف عنها أكتر من هنا: ماتش ملاكمة بين يوتيوبر مشهور وملاكم محترف...مين يكسب؟

ايه هي خاصية shorts؟

مع انتشار الناس على منصة يوتيوب و ظهور منصات جديدة لفيديو بتتنافس على الظهور زي تيك توك tik tok وانستجرام اللي قدروا انهم يخطفوا الجماهير من يوتيوب من خلال خاصية الريل reels اللي بتكون عبارة عن فيديوهات قصيرة مدتها دقيقة.

هل تقف يوتيوب ساكتة وهي شايفة إن الجماهير بتروح منها؟ لأ طبعًا راحت عاملة ميزة جديدة في يوتيوب بتنافس خاصية الريل reelsعلى انستجرام و تيكتوك وهي يوتيوب shorts  .. وهي عبارة عن فيديوهات قصيرة مدتها (60 ثانية ) تشبه الفيديوهات بتاعة الريل على انستجرام و تيك توك . 

قدرت فيديوهات الshorts  على يوتيوب انها تنال انتشار واسع و بدأت تعمل مشاهدات كبيرة بتوصل للملايين في وقت قصير .. و هنا قررت يوتيوب إنها تحط شروط جديدة لتفعيل اربح و ده من خلال خاصية shorts 

شروط تحقيق الربح من اليوتيوب 2023 

أعلنت قناة araic youtube creators channel  يوم 20 سبتمبر 2022عن مجموعة من الشروط الجديدة لتفعيل الربح على اليوتيوب هيبدأ تطبيقها في بداية سنة 2023 و بقى ممكن لمنشى المحتوى انه يستفيد من طرق مختلفة لتحقيق الربح من يوتيوب.

فيقدر يحقق ربح من يوتيوب من خلال تحقيق الشروط اللي هي  1000 مشترك و 4000 ساعة مشاهدة .

ولو كان النموذج ده لو مش مناسب ليك فبداية من سنه 2023 هيقدر منشىء المحتوى انه يحقق ربح لو قدرت القناة تجيب الف مشترك و 10 مليون مشاهدة على يوتيوب shorts خلال اخر 90  يوم من تاريخ تقديم الطلب. 

كمان ممكن تحقق ربح من خلال الخواص الجديدة اللي اتاحتها يوتيوب زي super stickers, super chat, super thanks, و الاشتراكات الداعمة للقناة و اللي هتنطبق على القيديوهات الطويلة والبث المباشر و الفيديوهات القصيرة و واللي هتمكن منشء المحتوى انه يحصل على تمويل من المعجبين . 

كمان يوتيوب هيطلب من المشاركين انهم يوقعوا على احكام برنامج شركاء يوتيوب مع بداية  السنه الجديدة. 

و كمان قررت يوتيوب إنها تحط إعلانات على فيديوهات القصيرة shorts و من المعروف إنه السنة اللي فاتت أطلقت يوتيوب صندوق shorts  وكانت بتقدم من خلاله مكافأت غير محددة لصناع المحتوى لما بيجيبوا مشاهدات عالية جدا بتبدأ من 100 دولار لحد 10000 دولار شهريا حسب المشاهدات اللي بيجيبها و الكلام ده هينتهي مع بداية سنه 2023 و هيكون في أرباح محددة من أرباح الإعلانات على فيديوهات Shorts . 

اعرف أكتر عن ضريبة البلوجرز واليوتيوبر: ممكن ضريبة البلوجرز واليوتيوبرز تحسن من مستوى المحتوى؟

هيحتفظ صاحب المحتوى على يوتيوب shorts بنسبة 45% من أرباح الإعلانات و نسبة أدسنس هتكون 55% و القاعدة دي هتطبق على أرباح shorts سواء نشرت عليها موسيقى او لأ .. في حين هتفضل نسبة أرباح منشئ الفيديوهات الطويلة زي ما هي  55% ليه مقابل نسبة 45% ليوتيوب . 

كمان اليوتيوب هيفعل خاصية super thanks على shorts وهي بتكون عبارة عن زرار بتدوس عليه و بتتبرع لمنشء المحتوى بمبلغ من المال  هيقدر من خلالها المشاهدين يعبروا عن تقديرهم لمنشيء المحتوى و يتيح لمنشء لمحتوى التفاعل مع اهم المعجبين من خلال تعليقات سوبر ثاكس البارزة. 

كمان اطلق يوتيب خاصية creator music  هي خاصية هتسمح  لمنشيء المحتوى انه يستخدم الموسيقى الرائجة من مكتبة يوتيوب و كمان يقدر يحقق منها ربح من الاعلانات و ممكن يدفع مبلغ مقدم ليوتيوب و يحتفظ بحصة الإعلانات كاملة 

بالنسبة لبعض الاغاني اللي تخص اشخاص بدل ما يتوقف عليها الربح هيقدر يقاسم الربح مع صاحب الاغنية او الفنان.

و هيكون في تفاصيل جديدة هتتكلم عنها يوتيوب مع بداية السنه الجديدة..

يعني من الآخر مفيش حاجة اتغيرت في الشروط القديمة بالنسبة للشخص اللي عايز يعمل قناة يوتيوب .. فلو أنت لسة مبدأتش قناة اليوتيوب بتاعتك مستني ايه.