هدايا عيد الأم حسب ميزانيتك: مش منها طقم الكوبايات

هدايا عيد الأم 2022 لست الحبايب خليها المرة دي مختلفة عن كل سنة وسيبك من طقم الكوبايات والأجهزة الكهربائية، حاول تجيبلها حاجة ليها هي مش للبيت، ومهما كانت ميزانيتك هنقولك على أفكار كتير.

أول حاجة اسأل نفسك هي بتحب ايه أو كانت بتدور على ايه من فترة لأن كل ما الهدية كانت مناسبة ليها هتفرق معاها حتى لو مش غالية أوي بس المهم تكون ليها هي مش للبيت وهتبسطها أكتر.

هدايا عيد الأم في حدود 100 جنيه لـ 150 جنيه 

• بوكيه ورد شيك.
• خروجة حلوة زي سينما أو مسرح مثلًا.
• شموع معطرة.
• صندوق مليان شوكولاتة من النوع اللي بتحبه ماما.
• صورة مرسومة ليها.
• مج حراري بتصميم مختلف عليه صورتها مثلًا أو صورتكم سوا.

لو بتدور على هدايا موفرة من هنا: 5 أفكار هدايا موفرة لعيد الأم

هدايا عيد الأم في حدود 500 جنيه

• برفيوم من النوع اللي بتحبه.
• بيجامة بيت.
• خاتم فضة بسيط.
• شنطة مميزة.
• قلم روج من الماركة اللي بتحبها.
• ماسكات.
• محفظة خامتها حلوة جلد.
• مستحضرات تجميل.
• ميدالية مفاتيح فضة عليها أول حرف من اسمها.

لو هتشتري هدية عيد الأم بالكريديت كارد ممكن تعمل تقارن بين أفضل بطاقات الائتمان في مصر من هنا

هدايا عيد الأم في حدود 1000 جنيه

• اشتراك في الجيم.
• برفيوم من ماركة معروفة.
• سلسلة أو آنسيال دهب.
• سيشوار ماركته كويسة.
• شنطة من ماركة معروفة.
• قسيمة مشتريات.
• مكواة شعر.
• ممكن كمان تحجز لها في مركز السبا تقضي يوم عيد الأم هناك.
• موبايل أو آيباد أو لاب توب حسب احتياجها.
• نضارة شمس ماركة شهيرة.
• مجموعة من الزيوت العطرية.

عروض عيد الأم

الحقي الـ sale على كل الأجهزة الكهربائية لو لسه بتجهزي، هنا بقى هاتي كل الكوبايات اللي نفسك فيها براحتك لكن ما تروحيش تجيبي لماما طاقم كوبايات في عيد الأم يعني خلاص قدمت.

أماكن كتير بتكون عاملة عروض بمناسبة عيد الأم وممكن تجيب حاجة أونلاين لأن هتلاقي حاجات كتير جدًا في الموسم دا تقدر تفاضل ما بينهم وعلى حسب ميزانيتك.

بمناسبة عيد الأم لازم تتعلم من ماما الفصال اعرف أكتر من هنا: 5 نصايح في الفصال زي ما بتعمل الأمهات!