أفضل 5 وظايف في مصر من حيث المرتب

حصولك على وظيفة هو إنجاز في حد ذاته بس كتير مننا بيدور على الوظيفة اللي تدخل أعلى مرتب ممكن علشان ظروف المعيشة وكمان علشان نقدر نشيل جزء لبكرة. لكن الحد الأدنى للأجور في مصر هو 1200 جنيه مصري وده رقم بيزيد كل شوية حسب تقدير الحكومة، لكن فيه وظائف أصحابها عرفوا يطلعوا بيها ويخلوا مرتباتها من أعلى الرواتب في مصر لصعوبتها أولاً ونسبة المخاطرة فيها كمان زي مثلاً:

الوساطة المالية والتأمين

الوسيط المالى هو شخص محايد بيوصل بين طرفين (بائع و مشتري) عن طريق انه بيسوّق المنتج ويقنع بيه المشتري وفي المقابل بياخد من البائع نسبة من الربح علشان ساعده في البيع وفي مجال التأمين وظيفة الوساطة المالية منتشرة جداً لأن فيه كتير معندهمش معرفة كاملة بمجال التأمين فبيساعدهم . ومتوسط مرتبه بيكون حوالي 11,000 جنية في الشهر. 

الأنشطة القانونية

زي المحامين والمستشارين القانونيين والقضاة ودول مهنتهم بتتطلب شهادة معتمدة من كلية حقوق غير رخصة مزاولة نشاط من الحكومة، علشان يعرفوا يتخذوا القرار الصحيح أو يقدموا الاستشارة القانونية المناسبة ومتوسط مرتبهم بيكون حوالي 9,000 جنيه.

ده مش معناه إنك لازم تشتغل حاجة من دول علشان تقبض كتير، أنت تقدر لو حبيت شغلك واجتهدت فيه وعرفت تضيف له حاجة مميزة ده هيضمن لك حياة منتجة ومرضية.

الأنشطة المحاسبية

زي المحاسبين والمديرين الماليين هما أساس أي مشروع أو شركة والمسئولين عن كل تحركات الفلوس فيها وحساب الضرايب وده طبعاً فيه تعامل مع أرقام كتير جداً ومتوسط مرتبه بيبقى 7,500 جنيه.

دكتور جراحة 

أكيد محدش فينا يقدر يستغنى عن مجال الطب عموماً وطبعاً الطب من أصعب المجالات من ناحية الدراسة والعمل وده من أسباب رفع دخلهم اللي بيتحدد على حسب عدد العمليات أو المرضى اللي ممكن يروحوا له في الشهر.

التعدين 

البحث عن المعادن واللي من أهمها البترول من الوظائف المربحة عموماً بسبب أسعار المعادن العالية أصلاً، والمجهود الكبير جداً اللي بيبذلوه علشان يوصلوا للمعادن دي علشان كدة متوسط مرتبهم بيبقى 6,000 جنيه.

خليك عارف إن الوظائف كلها ليها خطورتها وصعوباتها وفي المقابل بيتحدد الدخل بتاعها، بس ده مش معناه إنك لازم تشتغل حاجة من دول علشان تقبض كتير، أنت تقدر لو حبيت شغلك واجتهدت فيه وعرفت تضيف له حاجة مميزة ده هيضمن لك حياة منتجة ومرضية.