كام قيمة الزيادة على بطاقات التموين من أول أغسطس؟

وزارة التموين والتجارة الداخلية زودت دعم قد ايه على بطاقة التموين للأسرة؟ فايدتي هتقولك على اخر اخبار وقرارات الدكتور علي المصيلحي وزير التموين واللي فيها نفذ توجيهات الرئيس السيسي.

الرئيس السيسي كان وجه بدعم برامج الحماية الاجتماعية، في ظل الأزمة العالمية اللي أثرت على السلع الغذائية، ودا اللي خلي وزارة التموين تدعم أصحاب البطاقات التموينية خاصة من الأسر الأكثر احتياجًا.

اعرف أكتر عن الدعم وأنواعه من هنا: يعني إيه دعم وإيه هي انواعه؟

زيادة الدعم على بطاقات التموين

وهيتم دعم أصحاب البطاقات التموينية من الأسر الأكثر احتياجًا من خلال زيادة الدعم المخصص لهم بقيمة 100 جنيه لبطاقة التموين المقيد عليها أسرة واحدة.

يعني لو البطاقة مقيد عليها أسرة من 4 أفراد مثلًا هتحصل على دعم إضافي للسلع الغذائية يوصل لـ 100 جنيه، ودىا طبعًا بجانب اللي بتحصل عليه الأسر من خبز مدعم.

وبطاقة التموين اللي عليها أكتر من أسرة بيكون مقيد فيها الجد والجدة والأب والزوجة والأبناء.

لكن بطاقات التموين اللي متقيد عليها أسرتين أو 3 أسر هتزيد بقيمة 200 جنيه، والبطاقة اللي متسجل عليها أكتر من 3 أسر هتزيد بقيمة 300 جنيه شهريًا ولمدة 6 أشهر.

وبالتالي صاحب بطاقة التموين هيقدر يشتري السلع الغذائية بقيمة الدعم المخصص له.

التموين: 100 جنيه زيادة في دعم بطاقة التموين للأسرة الواحدة الأكثر احتياجًا

اعرف أكتر عن تحديث بيانات بطاقتك التموينية من هنا: ازاي تحدث بيانات بطاقتك التموينية على موقع دعم مصر؟

امتى هيتم بداية التنفيذ؟

زيادة الدعم لأصحاب البطاقات التموينية هيتم تنفيذه بداية من شهر أغسطس، يعني خلال الأيام القليلة اللي جاية، ودا طبعًا هيكون متاح للأسر الأكثر احتياجًا حسب توجيهات الرئيس السيسي.

كام فرد مستفيد من زيادة الدعم على بطاقة التموين؟

• سيستفيد منها حوالي 36 مليون مواطن.
• يعني حوالي 7.8 مليون أسرة.
• كمان العمالة المؤقة غير المنتظمة هتستفيد من القرارات دي

دخول أسر جديدة

وحسب تعليمات الرئيس السيسي، وزارة التموين من المفترض إنها هتدخل أسر في برنامج تكافل وكرامة إلى جانب طرح كراتين السلع الغذائية في المناطق الأكثر احتياجًا بنصف تمنها.

أسعار سلع التموين اعرفها من هنا: اعرف أسعار السلع التموينية في يوليو 2022: الزيت بـ 23 جنيه