محمد صلاح/Egyptian King بيستثمر فلوسه في ايه 2022؟

يا ترى نجم فريق ليفربول الإنجليزي، محمد صلاح، بيستثمر فلوسه ازاي بعيدًا عن الرياضة؟ دا اللي كشفته صحيفة "ديلي ستار" الإنجليزية لما كشفت عن خطوات "مو" اللي بدأ فيها بالفعل مع بداية السنة دي 2021.

صلاح قرر إنه يدخل في نوع استثمار جديد عليه بعيدًا عن كرة القدم وهو الاستثمار العقاري وقرر إنه يضخ 2.7 مليون دولار في صناعة الطوب والأسمنت، وبالتالي الاستثمار الذكي اللي عمله بعيدًا عن الملاعب.

صلاح بيقلد فاولر

وزي ما قالت التقارير الإنجليزية أن محمد صلاح بيحاول يمشي على نفس خطوات نجم ليفربول السابق روبي فاولر في عالم الاستثمار العقاري اللي وصلت ثروته لأكتر من 31 مليون جنيه استرليني بعد أن استثمر في البناء.

بيزنس صلاح بالأرقام  

اسم شركة محمد صلاح :Salah UK Commercial

الفرع الأول للشركة:"MOS Real Estate"  متخصصة في العقارات.

والفرع الثاني للشركة:"lettings business Trinity Kensington" متخصصة في الإيجارات.

أصول شركات صلاح 9 ملايين جنيه استرليني (أكتر من 12 مليون دولار أمريكي).

25% من الأصول تقريبًا في الممتلكات.

2 مليون جنيه استرليني في الطوب وأدوات البناء.

صلاح هداف جوا وبرا الملعب

مش بس كدا دا كمان محمد صلاح بيملك أصول قيمتها حوالي 12 مليون دولار لكن المعلومات عنها مش كتير لغاية دلوقتي إلا إن المعروف عنها بس إن شركاته بتشتغل في الاستثمار والإيجارات العقارية في انجلترا.

وبيطمح مو صلاح إن شركته تقدم خدمات على مستوى عالمي في عالم الأراضي والعقارات بأسعار معقولة وتوفير الراحة للعملاء.

أما الشركة الثانية، فهي تهدف لجميع أنواع الإيجارات العقاري وتقدم مساكن جيدة ونظيفة في موقع رائع، تم تجديدها بأجهزة حديثة وبقيمة سوقية معقولة.