5 خطوات تعملها لو ماكينة الـ ATM سحبت الفلوس

مشكلة كبيرة بيمر بيها ناس كتير، وهي إنك تيجي تسحب الفلوس من الـ ATM، الفلوس متطلعش ويتسحب من حسابك كمان، وساعات كمان ماكينة الـATM مترضاش تطلع كارت الفيزا أصلًا، بلوج فايدتي جمعتلك الخطوات اللي لازم تاخدها لو عدى عليك موقف زي ده.

5 خطوات لو ماكينة الATM سحبت الفلوس بتاعتك

1- لازم تتصل بخدمة عملاء البنك التابع ليه وتبلغ عن المشكلة.

2- هيسألك البنك شوية أسئلة للتأكد من انك صاحب الحساب فعلا.

3- هتعرفه عن مكان عملية السحب وامتى وده هيساعد موظف البنك فـانه يتأكد اذا كانت الفلوس اتخصمت من حسابك ولا لأ.

4- لو معاك ايصال بالعملية ومستلمتش الفلوس بتاخد فلوسك حالا من البنك.

5- لو مش معاك ايصال فهتاخد رقم للشكوى من البنك وتتابع معاهم اول بأول، او تتصل على الخط الساخن للبنك المركزي المصري 16777.

3 خطوات تعملها لو الATM سحبت الفلوس بتاعتك 

1- تتصل بالخط الساخن للبنك الانت تابع ليه وتعرفه عن رقم الماكينة ونوعها والميعاد اللي تم فيه السحب

2- لو الATM اللي سحبت منك الكارت كانت جوا بنك، فبتقدم شكوى في نفس الفرع اللي اتسحب منه الكارت وتستلمها تاني يوم.

3- لو الِATM اللي سحبت الكارت منك تبع بنك تاني، فهتضطر انك على طلب بايقاف الكارت، وتعمل بدل فاقد تستلم بيه كارت فيزا تاني جديد لنفس الحساب.

اعرف اكتر عن تاريخ الـ ATM  من هنا.