5 مواقع لتحميل الكتب PDF  مجانا بعد تأجيل معرض الكتاب

مع بداية الموجة التانية لفيروس كورونا واستمرار التباعد الاجتماعي رجعنا تاني لتأجيل معظم الفعاليات الإجتماعية، من ضمن الفعاليات دي "معرض الكتاب" اللي بيقام كل سنة في اجازة نص السنة الدراسية واللي اتأجل لشهر يونيو اللي جاي. لكن قاعدة البيت محتاجة كتاب يسليك، عشان كده جبنالك 5 مواقع اونلاين تقدر تحمل منها كتب مجانا.

 بوابة وزارة الثقافة

من أول المبادرات لتحميل الكتب مجانا، هي مبادرة وزارة الثقافة اللي بدأت مع بداية ظهور فيروس كورونا في النص الأول من سنة 2020.

مكتبة الإسكندرية 

من أهم المواقع اللي بتتيح تحميل الكتب مجانا طول السنة موقع مكتبة الإسكندرية، أقدم منارة للثقافة في الشرق الأوسط. المكتبة فيها أكتر من مكتبة متخصصة، هي: مكتبة الفنون والوسائط المتعددة، ومكتبة طه حسين لضعاف البصر، ومكتبة الطفل، ومكتبة النشء قسم التبادل والأرشيف، وقسم الكتب النادرة، والمكتبة الفرنكوفونية.

 قاعدة البيت في زمن الكورونا محتاجة كتاب يسليك

مؤسسة هنداوي

موقع مؤسسة هنداوي للتعليم والثقافة، وهي مؤسسة مستقلة غير هادفة للربح، كل مهمتها هو نشر الثقافة والتشجيع علي القراءة والبحث.

كتبي

مؤسسة كتبي الثقافية هو موقع بتعامل مع دور النشر المختلفة لتسويق إصدارتهم، وبيعرض بعض الكتب ببلاش.

عصير الكتب

دار نشر عصير الكتب هو واحد من أشهر دور النشر في معرض الكتاب كل سنة، بيعرض كتب كتير للتحميل المجاني علي موقعه، مع كتب تانية تقدر تشتريها بأسعار مخفضة.